කොවුලනි නොගයන්න
තවත් වසත් ගීය
වසන්තය ළඟ ළඟම
එන බව කියමින්
නීරසය ඒ වදන්
දැන් නම් දෙසවනට
නුඹ,
උගුර ලේ රහ වනතෙක්
කෑ ගසා කීවද
ගතවූ වසරකම
වසන්තය නම්
ළඟ පාතකවත් නැත
වැඩපලේ,
කොඳු කැඩෙන වැඩ තොගය
වෙහෙසෙන තරමටම වැටුපක් නොලැබේය
සීත පුටු රත් කරමින් මහ උන් තරවේය.
මට නම්
අවුරුද්ද
තවත් එක දවසකි
ගෙවී ගිය දින ගනන්
වාගේම
කටුකය ගිම්හානය සේම
එරබඳු මල් සුපිපෙන්න
තව තවත්
අතු අගට වී
රත් පැහැයෙන් බබලන්න
පවසමින්
අපගේ කඳුළු කතාව
ලේ කදුලු දිය කර හරින.
~සකුන්ත හිරිමුතුගොඩ~