විරාමය

තවත්       මලක්  උපදවන්නට         ගසකට      රාත්‍රියක්      ගත වෙයි

අලුත්    තනුවක්      තනන්නට  කොවුලන්‍ට       වසරක්      ගෙවී  යයි

පදත්   හැඟුමක්  පුබුදුවන්නට      කවියන්ට    කාලයක්      වැය වෙයි

ඉතින්        මේ          වි  රා  ම  ය        කැපවුනේ                 ඒකටයි

 

                                                                         ~සකුන්ත හිරිමුතුගොඩ~~

වැහි…?

වැහි වලාවක් නොමැති අහසින්

නිල් සළුව ඉරාගෙන විත් 

වැටෙන මහ වැහි

කොඳු නමන - බෙලි කඩන 

කෙත් බිම් නිසරු කරවන 

පොද වැහි

කළු දුම් රොටු ඉහල නංවා

පොලෝ ගැබ ලෙයින් නහවා

වහින වැහි

ගාසාවට වහින වැහි

සකුන්ත හිරිමුතුගොඩ

වාසනාවේ අන්ධභාවය

ලා හිරු රැසින් දැවී

ජීවිතය හැර දමා ගිය

පිනි අතර

අහම්බෙන් ඉතිරි වුනු

එක බිංඳුවක්

තණපතක ඉහලම කොනක සිට 

උද්දාමයෙන්

හඬ නගා කීය

පොලො ගැබ තුල සැඟව

ඇති තෙතමනයට

 

“එනු බලනු 

මා මෙන්ම මුහුන දෙනු

හිරු එලියට,

නොමියැදී සිටිය හැකිය

බලන්න මා ජීවත් වන අයුරු”

 

මද්දහන හිරු රැසින් 

තමා ද වියැකී යාමට නියමිත බව 

නොදැනම

 

          ~සකුන්ත හිරිමුතුගොඩ~

 

තානායම් කවුළුවෙන් පෙනෙනා ලෝකය

*කඳුකර ප්‍රදේශයක තානායමක ලැගුම් ගැනීමට පැමිනි ධනවතෙක් සහ ඔහුගේ රියදුරු කවුලුවෙන් පෙනන පරිසරය පිලිබඳ තැබූ සටහන්

 

රියදුරා

                                                       

වලාකුලු අතරින් පෙරී

වැටෙන ලා හිරු එලිය

කඳු වලලු අතරින් එබී

හිනැහේය මා එක්ක

 

කොතෙක් දුර බැලුවද

නිමක් නැති කොල පැහැය පිරුනු

කඳු මුදුන් මීදුම් සීතලට වෙලී ඉඳ

සිප ගනී නිල් අහස වරින් වර

 

හමුවිය ඒ අතර

ලැයිම් කාමර පේලි

අපිලිවෙලට අහුරා ඇති

තේ වතු අතරට මැදිව

 

මෙතෙක් දුටු ලස්සන 

කොහිද...? ඒ වතු අතර

කුසගින්නෙන් වැහැරුනු

ලමුන්, මිනිසුන් මිස

 

කූඩ පිට මත බැඳන්

වැඩට යන කම්කරුවන්ගේ

විඩාපත් මුහුනු දකින කල

දැනේ අඳුරක් කියාගත නොහැකි

 

ඒ අඳුරට ඉහලින්

වතු යායෙ ඉහලම තැනක

බංගලාවක් ඇත

යස ඉසුරින් පිරී ඉතුරුනු

 

ධනවතා

 

හිරු එලිය වැටෙනා විට

සංචාරක බංගලාවකට

කදිම ගැලපෙන පරිසරය

කඳු මුදුන් මත පෙනේ

 

කොල පැහය ඉහිරුනු කඳු වැටි

මිලට ගෙන තැනිය හැක හෝටල්

ගොඩ ගැසිය හැකිය ලාභ එයින්

කඳු වැටි පරයන උසට මහතට

 

තේ වතු තැනින් තැන

උල්පත් ය කහවනු උපදන

කන්ද කපා තවත්  බිමක්

තැනුවොත් කෙතරම් හොඳද

 

තේ කුඩ ගනන වැඩි වන විට

ලාභ ඉහල නගී වේගයෙන්

මිලට ගතහොත් මේ සියලු දෙය

අතැඟිලි මදිය ලැබෙන දෑ ගැනීමට

 

ලැයිම් කාමර අතර

කුමන අරුමයක් ද කියනට

හෙට දිනයේ වැඩට පැමිනීම

පමනක්‍ ය සිදුවිය යුතු

 

බංගලාවේ මහල් ගනන 

වැඩි කොට තවත් උසට

සුවපහසුවට තැනීමට

හැකි වේය මට එවිට

                                                ~සකුන්ත හිරිමුතුගොඩ~

ගන්ධබ්බ ප්‍රේමය

ඒ අතට මේ අතට

ජීවිතයෙ තරාදියෙ දෙපැත්තට

ප්‍රේමයේ පඩි දමා - කිරා බලනා විට

කටුව සෙලවේ

විටෙක

ඈ දෙසට නැඹුරුව - මතක ඉතිරි කර වෙන්වුන

තවත් මොහොතක 

මා ලඟම ආලයෙන් හිඳිනා - ඔබ දෙසට බරවේය

දෙගිඩියාවකය සිත 

ඔබේ නැවුම් ප්‍රේමයෙන්

සුව විඳින අතරම 

ඇගේ රුව මැවේ මට

මතක එකිනෙක කාන්දු වී

පඩි දමා තරාදියේ දෙපැත්තට 

සමීකරන යොදා මැනිය හැකිද ප්‍රේමය

කා හටද වැඩියෙන් ආදරේ..

ඈ සහ ඔබ අතර සිර වෙච්ච

අත්විඳින ප්‍රේමයකි ගන්ධබ්බ 

                 ~සකුන්ත හිරිමුතුගොඩ~

.ඈ

අඳුර නගරය වසාගෙන

කඩමන්ඩියට ගොඩවෙත

ලයිට් කනු බිම බලාගෙන

උකුස් ඇස් යොමු කරති

ඉන් එලිය නොවු තැනක

හිත් ගිනි පපු කුහර තුලම සිර කර

පිම්බුනු ලැම දරාගෙන

ඈ හිඳී ඈත ඉම බලාගෙන

නොනිදාගෙන නිදන යාමයක

රිදුමන් දරාගන්නට පිහිට වන

පැනඩෝල් කාඩ්පත තිබේදැයි

බෑගය තුලට අත රුවාගෙන.

      ~සකුන්ත හිරිමුතුගොඩ~