ඒ අතට මේ අතට
ජීවිතයෙ තරාදියෙ දෙපැත්තට
ප්‍රේමයේ පඩි දමා - කිරා බලනා විට
කටුව සෙලවේ
විටෙක
ඈ දෙසට නැඹුරුව - මතක ඉතිරි කර වෙන්වුන
තවත් මොහොතක
මා ලඟම ආලයෙන් හිඳිනා - ඔබ දෙසට බරවේය
දෙගිඩියාවකය සිත
ඔබේ නැවුම් ප්‍රේමයෙන්
සුව විඳින අතරම
ඇගේ රුව මැවේ මට
මතක එකිනෙක කාන්දු වී
පඩි දමා තරාදියේ දෙපැත්තට
සමීකරන යොදා මැනිය හැකිද ප්‍රේමය
කා හටද වැඩියෙන් ආදරේ..
ඈ සහ ඔබ අතර සිර වෙච්ච
අත්විඳින ප්‍රේමයකි ගන්ධබ්බ
~සකුන්ත හිරිමුතුගොඩ~