දිගු කලකට පසුව හමුවිය
අල්මාරියේ ලාච්චුවක සුරැකිව
බහා තිබූ
ඔබට දීමට නොහැකි වූ හසුනක්
සැන්ට් සුවඳ කවා
ලස්සනට පාට පාට
රවුම් අකුරින් ලියූ
රෝස මල් අලවා
හැඩ කල
සිහිවී එ කල
ලියමන
පපුවට තද කොට
ගත් දිගු ආශ්වාසයෙන්
සුපුරුඳු සුවඳක් නැහැයට දැනිනි
පුදුමයකි
කැටය කඩා එදා මිලට ගත්
කුඩා සැන්ට් කුප්පියේ සුවඳ
අදටත් ලියුමෙහි
සුරැකිව....
නෑ.
ඒ ඔබේ සුවඳමයි
~සකුන්ත හිරිමුතුගොඩ~
පුංචිම පුංචි
අත්තටු දෙකක්
ඇති පුංචිම
කුරුල්ලෝ
ලොකුම ලොකු
අහස පුරා පියඹති
ලොකු තටු සහිත
කුරුල්ලන්ටත් වඩා
~සකුන්ත හිරිමුතුගොඩ~
යුග දිවියට පා නගන සවසක
සුදු සේල, වෛවර්න සිල්ක් සාරි පිරුනු දවසක
තරු බලා නැකැත් කරුවන් ලියා දුන් වරුවක
මවු පසින් පිය පසින් නෑසියන් අතරේ ගිවිසන
අත්සනින් දිවුරූ පොරොන්දු පත්‍රයක් පමනිද විවාහය
අප දෙදෙන එක් අයෙක් නොවේ මින් මතුවටත්
දෙදෙන දෙදෙනෙක්ම වේ සිතැඟි පෑහෙන මුත් වෙනස්
තව බොහෝ දුර යා යුතුයි පමනි මෙය ඇරඹුමක්
මේ වගෙම එකට පා නගා යමු තව බෝ දුරක්
රතු පලස් මත මල් ඉසින ලද මාවතක් නොවේ ජීවිතය
කළු කුහර ඇත හැම තැන සිහින මුලුමනින් ගිල දමන
කටුක දිගු දිවි මගේ නැගෙන දුක් ගිනි බෙදාගෙන
අත් වැල් බැඳන් ජීවිතය සොයා යමු අප දෙදෙන
~සකුන්ත හිරිමුතුගොඩ~
අතීතය නොස්ටැල්ජියාවක් නොවනු පිනිස
නොවී ඉරබටු තරුවක්
නිශ්ක්‍රීය රාත්‍රියකට පෙර
නැගී අමතකව යන
පහන් තරුවක් වෙන්න
ජීවිතයට මග පෙන්වන
සකුන්ත හිරිමුතුගොඩ
{*පුවතක් - පාසල් දරුවන්ට අර්ධකාලීන රැකියා කිරීමට අවසර දෙයි.
ළමයින් රැකියා කිරීමේ පරිසරයට හුරු නොවීම නිසා ගැටලු රැසක් මතු වී ඇත}
වැඩිහිටි මල් යාය මිරිකා
පෙලා හප කර
ඉස්මුරුත්තාව හැදෙන තෙක්
කහවනු පැස තරකරගත්
විස බඹරු,
ලෝකය ගැන ඉගෙන
හෙට දිනය සරසවන්නට
හෙමින් පිබිදෙන
මල් කැකුළු තැලීමට සැරසෙති
තවත් රොන් මඩි
පුරවගන්නට
~සකුන්ත හිරිමුතුගොඩ~
ප්‍රවේසමෙන් පා තැබිය යුතුයි
පහසුවෙන් උදුරා ඉවත ලා නොහැකි
මතක බිම් බෝම්බ
එක් පියවරකින් පුපුරා යා හැකිය
සැහැල්ලු අවි පහර වැදී
නිවෙස් වල හදවත්
සිදුරු වී ගොසිනි
බර අවි මගින්
සෙවන දුන් වහලවල්
ඔහේ විසිවී ඇත
අතැර දැමූ ගොඩනැගිලි
වල් වැදී ඇතිමුත්
පැහැදිලිව පෙනේ
ඉතිරි වී ඇත්තේ
කඳුළු පිරි මතක
තුරුල් කරගත්
දැදුරු වී ගිය ජීවිත පමනි
බූට්, බැටන් පොළු
දිගු කලක සිට පාරන
ලේ වැගිරෙන කැලැල්
කිඹුල් කඳුළු වලට සුවපත් කල නොහැක
~සකුන්ත හිරිමුතුගොඩ~
උතුරුකරයට ගිය ගමනේ මතක සටහන්
https://www.facebook.com/100005431928182/videos/629711322159627/
දෙපසින්ම
දෙපසටම
අපරීක්ෂාකාරීව
දමා ගසන ලද
හී තුඩු ඇනී
වේදනාව ගෙනේ
ගතට නොව සිතට
~සකුන්ත හිරිමුතුගොඩ~