වසන්තය ආයෙමත් ඇවිදින්
නුහුරු සුවඳක් අරන්
ගිලිහුනු මල් පොකුර
නටු අගට පලඳන්න
වසන්තය ආයෙමත් ඇවිදින්
වසත් සඳ විලසින් ඔබේ වත පායලා
මගේ සිත ඇහැරවයි පෙම් මල් පුබුදුවා
බඹර ගුම් නද අරන් ඔබ ආ නිසා
තුරු අගට ඵල වැල නැගෙන
වසන්තය ආයෙමත් ඇවිදින්
ඉරි තැලුනු හදවතේ රිදුනු තැන් සිසාරා
ගඟක් සේ ඔබ ගලයි ප්‍රේමයෙන් සනසවා
සෙනෙහසේ වැහි බිඳු අරන් ඔබ ආ නිසා
සිනා මල් මුවගට නැගෙන
වසන්තය ආයෙමත් ඇවිදින්
සකුන්ත හිරිමුතුගොඩ
No comments:
Post a Comment