ඔබ ගැන
ශේෂ වූ මතකයන්
සිහියට නගමි
සමහර දෑ හරි හැටිම
මතකයේ නැති වුනත්
එකිනෙකට අමුනමි
හද පතුලටම
කිඳා බැසගත් තැන්
හොදටෝම මතකය
අමතක වී ඇතැයි
සිතාගත් බොහෝ ස්පර්ශයන්
රෝම කූපයේ සිටම සිහිවෙයි
අඳුරු කාමරයේ
මතක අමුනා ගොතන ලද
සෙලෝලයිඩ් පටයේ ඔබ මොබ සරමි
කටුක තැන් හමුවේදී
අත ඇති සීතල බීර බෝතලයම
එක හුස්මට හිස් කල හැකිය
රසමුසු තැන් වලදී
බෝතලයේ සීතලට බැඳෙන තුශාර මත
රවුමට සිනා ඉරක් ඇඳිය හැක
අතිශයින් ත්‍රීව්‍ර අවස්ථාවල
හුස්මත් සිරකරන වේගයෙන්
ඉහල නැග
හෙමෙන් පහලට බසින
සුසුම් පොදියකි
බිත්ති ඔරලෝසුවේ
කටු ආපසට කැරකෙන සෙයකි
ටික් ටික් ටික්.
~සකුන්ත හිරිමුතුගොඩ~
No comments:
Post a Comment