යුග දිවියට පා නගන සවසක
සුදු සේල, වෛවර්න සිල්ක් සාරි පිරුනු දවසක
තරු බලා නැකැත් කරුවන් ලියා දුන් වරුවක
මවු පසින් පිය පසින් නෑසියන් අතරේ ගිවිසන
අත්සනින් දිවුරූ පොරොන්දු පත්‍රයක් පමනිද විවාහය
අප දෙදෙන එක් අයෙක් නොවේ මින් මතුවටත්
දෙදෙන දෙදෙනෙක්ම වේ සිතැඟි පෑහෙන මුත් වෙනස්
තව බොහෝ දුර යා යුතුයි පමනි මෙය ඇරඹුමක්
මේ වගෙම එකට පා නගා යමු තව බෝ දුරක්
රතු පලස් මත මල් ඉසින ලද මාවතක් නොවේ ජීවිතය
කළු කුහර ඇත හැම තැන සිහින මුලුමනින් ගිල දමන
කටුක දිගු දිවි මගේ නැගෙන දුක් ගිනි බෙදාගෙන
අත් වැල් බැඳන් ජීවිතය සොයා යමු අප දෙදෙන
~සකුන්ත හිරිමුතුගොඩ~
No comments:
Post a Comment