*2019 පාස්කු ප්‍රහාරයෙන් පසුව මුස්ලිම් ජන වර්ගයට එරෙහිව සිංහල වර්ගවාදීන් දියත් කල දඩයම සම්බන්ධයෙනි
“ත්‍රස්තවාදීන්” යැයි නම් කොට
කුලී ගෙයින් දොට්ට දැමූ මොහොතෙහි
ඇදිවත පමණක් තුරුළු කර
පිය නැගුවෙහිද සොයා තවත් රැකවරණක්
ජීවිතය පුබුදුවාගන්නට
ගොඩ නැගූ සියළු සිහින විසි කොට
යාන්තමින් දිවි රැකගන්නට
සඳ මඬල සේ හිනැහුනු
මුව මඬල
අඳුරු වලාවකින් වැසී
සුළං රැලි සමග කරට කර දගකල
කෙහෙරැලි
ශෝකයෙන් බරව කුලෑටි වී
සුමිහිරි තැන් බලා හිනැහුණු
තරුනෙත් යුග
රැකවරණක් සොයා වෙහෙසෙනවද
අන්ධකාරයට මුවාවී
බෙදුම්කඩනයන් අඳිමින්
ගොදුරු සොයා ඇදෙන රකුසන්
“මුස්ලිම් විරෝධයේ”
දත් විලිස්සමින් පියවර මනිනා හඬ
ඇසී රෑ සිහිනෙන් හඬනවාද
කඳුලු කැට බර වැඩිවී පහතට
නැමුණු මුහුන ඔසවා බලනු
ඈත අහසෙහි
පුංචි තරුවක් පායා එනු ඇත
අන්ධකාරය පලවා හරින
හිරු විලසින්
~සකුන්ත හිරිමුතුගොඩ~
No comments:
Post a Comment