මරනයේ හාදුව

*ඈන් ෆ්‍රෑන්ක් ගේ දිනපොතෙහි 1944 අප්‍රේල් 16 සහ 28 දිනවල තැබූ සටහන් ඇසුරෙනි.

උරහිස වටා පටලවා දෙ අත්

යවා දසැඟිලි කෙස් අතර

දඟ කරමින් කෙහෙරැලි සමග

අමිහිරිම අඳුරු යුගයක

නාසි මුර බල්ලන් රජ කරන

දුන්නේය ඔහු

පලමු හාදුව

ජීවිතයේ මිහිරිම දෑ කැටිකොට

නැවුම් වැලඳ ගැනීමක්

සහිතව

දෙකම්මුල් දෙඅත් පිරිමදිමින්

ඔහුගේ රිද්මයටම

හද ගැස්ම ක්‍රමයෙන්

ඉහල නැගිනි

නැවුම් හැඟුමක්

අලුත් ජීවයක්

දින පොතේ පිටුවකට

පිබිදෙන ලොවකට

දෙගිඩියාවෙන් ගෙවුනු

ජීවිතයේ අලුත් මානයන්

විවර කල

දිගු

කැලැන්ඩර කොටු දුසිමකට පසු

නොනවතින හාදුවකට

ඇරඹුම මමම තැබුවෙමි......

                       ~සකුන්ත හිරිමුතුගොඩ~

අඳුරුම කාල පරිච්ඡේදයන් ගැන ලොවට හෙලි කල ඇගේ දින පොත මෙම සිදුවීමෙන් දින 63 කට පසු සදහටම නිම විය.